話說學校想帶班學生去書局買一啲書返去圖書館擺，咁每個學生都有100蚊可以買一本自己心愛又合適係圖書館借人睇嘅書，咁我就負責帶班學生去附近某書局行。
去到書局，大家都靜靜地搵自己嘅書黎睇，而我呢?
梗係睇下有冇《宅女》本書賣啦!丫!又比我發現左真係有得賣!嗰刻拎自己寫嘅書上手感覺真係特別唔同。
之後見到成班學生圍埋係到睇埋啲公仔書，我就行埋去掉我本書係佢地面前。
「拿! 依本好野黎架! 搵人買本返去!」
唔洗一秒，有個學生就話:「阿Sir! 依本高登仔寫架喎!你上高登架?」
我串串貢咁講:「阿Sir我何止係高登仔!本書仲係我寫架!」
個學生聽完之後就話:「阿Sir，你係孔明嘅話，我咪係周喻!」
我笑而不語。
之後成班學生係到笑，仲將個書名當急口令咁練.......
最後書局內不斷傳出......
我將一位宅女變成女神.....然後再將自己變成佢隻兵......我將一位宅女變成女神......然後再將自己變成佢隻兵.....我將一位宅女變成女神......然後再將自己變成佢隻兵......我將一位宅女變成女神.....然後再將自己變成佢隻兵.....我將一位宅女變成女神.....然後再將自己變成佢隻兵.....我將一位宅女變成女神.....然後再將自己變成佢隻兵我將一位宅女變成女神.....然後再將自己變成佢隻兵 x2046
Search